ششی کلا کے وزیر اعلی بننے میں قانونی رکاوٹ، حلف برداری کی تقریب نو فروری کو

انا ڈی ایم کے کی جنرل سکریٹری وی کے ششی کلا کے تمل ناڈو کی وزیر اعلی بننے کی راہ میں بڑا مسئلہ دکھائی دے رہا ہے۔ اس کی وجہ گورنر سی ودیا راؤ کا نئی دہلی سے چنئی کے بجائے ممبئی جانا مانا جا رہا ہے۔ ذرائع کا کہنا ہے کہ گورنر راؤ ششی کلا کو عہدے کا حلف دلانے سے پہلے قانونی مشورہ لے رہے ہیں۔ تاہم گورنر کے عین مطابق منصوبہ بندی کو لے کر کوئی سرکاری بیان نہیں آیا ہے۔ اس درمیان انا ڈی ایم کے کے ذرائع کے حوالے سے خبر آئی ہے کہ منگل کو ہونے والی حلف برداری کی تقریب ٹال دی گئیہے۔ اب وہ 9 فروری کو



ہوگی۔

سپریم کورٹ نے پیر کو اشارہ دیا کہ وہ ششی کلا کے خلاف آمدنی سے زیادہ جائیداد کے ایک معاملے میں جلد فیصلہ سنا سکتا ہے۔ تمل ناڈو کی آنجہانی وزیر اعلی جے جے للتا بھی اس معاملے میں ملزم تھیں۔ حلف لینے کے بعد قصور ثابت ہونے پر ششی کلا کو وزیر اعلی کے عہدے سے استعفی دینا ہوگا۔


کورٹ میں پیر کو ایک مفاد عامہ کی عرضی دائر ہوئی جس میں ششی کلا کو وزیر اعلی کے عہدے کا حلف لینے سے روکنے کی کوشش کی گئی کیونکہ ڈی اے کیس میں جرم ثابت ہونے پر اگر انہیں استعفی دینا پڑا تو قانون وانتظام کی صورت حال خراب ہو سکتی ہے۔